 |
 |
 |
 |
 |
 |
 |
 |
Gobeithio wnewch chi gyd fwynhau eich gwyliau Haf. Edrychwn ymlaen i'ch croesawu yn ôl ym mis Medi.
Plant y Cyfnod Sylfaen wedi cael hwyl dda ar dyfu tatws tymor yma.
Aeth y Cyfnod Sylfaen i draeth Porthdinllaen am ddiwrnod o hwyl.
Diolch i PC Rhiannon am ddod draw i egluro ychydig mwy i ni am ddiogelwch y We.
Diolch am fod yn griw gwych sy'n llawn brwdfrydedd. Pob lwc i chi gyd ym Motwnnog.
Ar ôl bod yn y Ganolfan yn Nofio, aeth plant CA2 i draeth Pwllheli i chwarae gemau cyn mynd i caffi Largo am hufen iâ blasus.
Diwrnod difyr i flwyddyn 3 a 4 heddiw diolch i Technocamps. Plant wedi bod wrth eu boddau yn codio gyda lego a meddalwedd crumble. Llongyfarchiadau i George a Morgan ar lwyddo i wneud y raglen codio gorau.
Diolch o waelod calon i bawb am wneud ein Cyngerdd Codi Calon yn noson lwyddiannus.
Hynod ddiolchgar i Anni Llŷn am arwain y noson a pherfformio, diolch i Glesni Owen, Criw o genod CFfI Y Rhiw, Emma Marie, ac wrth gwrs i blant Pont y Gof am eu perfformiadau hwyliog.
Diolch i’r Gymdeithas Rieni am ddarparu te a choffi a chacennau blasus. Diolch hefyd i’r gynulleidfa, mor braf gweld iard yr ysgol yn llawn dop.
Diolch i Mr Geraint Hughes am ei gydweithrediad parod bob amser, noson lwyddiannus iawn i godi arian tuag at Eglwys Llandegwnning.
Dyna ddiwrnod! Diolch byth fod y glaw wedi cadw draw tan 3:30. Mae plant Pont y Gof wedi bod yn gweithio'n galed yn y triathlon heddiw i godi arian i'r ysgol er mwyn cael sied feics newydd. Da iawn i bob un ohonyn nhw am wneud eu gorau glas drwy redeg, nofio a beicio. Anhygoel!
Cafodd blwyddyn 4, 5 a 6 fynd i Plas Menai i aros am noson. Roedd pawb mor gyffrous. Aethom yno yn syth ar ôl i'r ysgol orffen. Aethom yn syth i'r neuadd i gael cyflwyniad gan ein mentorau ac yna i fyny i'r gegin i gael swper blasus. Cawsom ffilm cyn mynd i'n gwlâu... mi gysgodd rhai yn dda... eraill ddim cystal! Dydd Sadwrn, cawsom fynd ar Afon Menai i badl fyrddio, roedd 10 yn gallu mynd ar un padl fwrdd. Cawsom bicnic i ginio ac yna aethom i'r neuadd i chwarae gemau am y prynhawn cyn dechrau yn ôl am adref.
Dyna braf oedd cael croesawu Myfi sy’n dri mis oed a Cadi sy’n dair oed i’n dosbarth heddiw yn rhan o’r gwersi addysg bersonol a pherthnasau. Roedd pawb wedi dotio ac wedi dysgu llawer am y datblygiad o fabi i blentyn. Diolch Gwenan.
Llongyfarchiadau mawr i bob un o’r plant am wneud eu gorau. A da iawn tîm Neigwl Diolch i chi gyd am ddod i gefnogi.
Mae genod blwyddyn 3, 4, 5 a 6wedi bod yn brysur yn creu scrunchies i'w gwerthu yn y ffair haf eleni.
https://www.youtube.com/shorts/f3kvesKaQ4Q
Tra fod merched Cyfnod Allweddol 2 wedi bod yn gwneud 'scrunchies', mae'r hogia' wedi bod yn brysur yn gwneud potiau blodau hyfryd i'w gwerthu yn y ffair haf.
Diwrnod i’r gofio yn gwylio sioe Twm Sion Cati yn Pontio ac yna ymlaen i Gastell Penrhyn! Yr haul yn tywynnu a phawb yn mwynhau.
Parti adrodd yn Gwyl y Babell Llên fach bore ddoe yn Neuadd Dwyfor Pwllheli. Diolch iddyn nhw am fynd i gefnogi.
Da iawn Lois Jones blwyddyn 3 a'r criw llefaru yn Eisteddfod yr Urdd eleni yn Ninbych. Diolch i Rhian, Anni a Catrin am eu dysgu.
Daeth Sara draw o Gwyrdd Ni i roi cyflwyniad i flwyddyn 3, 4, 5 a 6 am yr hinsawdd a'r tywydd. Diolch iddi am ei hamser a chyflwyniad difyr iawn.
Mae plant y Cyfnod Sylfaen yn cymharu ffermio heddiw ac ers talwm. Diolch i Harri a Dylan o fferm Crugeran am ddod i gneifio o flaen y plant.
Ar ôl eu hymweliad yn Amgueddfa Chwarel Llanberis, mae blwyddyn 3 a 4 yn brysur yn creu cartiau gan ddefnyddio motor i gario llechi.
Daeth Lad y ci bach i'r ysgol at flwyddyn derbyn a meithrin. Cafodd y plant gyfle i ddysgu sut i ofalu am anifail anwes, roedd pawb yn mwynhau cael mwythau gyda'r ci bach.
Criw o flwyddyn 5 a 6 wedi chwarae’n arbennig o dda heddiw yn y gemau hoci ym Mangor. Da iawn chi!
Yn y bore, aeth plant blwyddyn 3 a 4 i Eglwys Llandegwnning i barhau gyda'u gwaith tacluso a chael trefn gyda Mr Geraint Hughes.
Diwrnod hynod ddifyr ddoe i flwyddyn 4, 5 a 6 yn Amgueddfa Lechi Llanberis.
Mwy o luniau yma; https://drive.google.com/drive/u/0/folders/1-ol9-x7CLiwKyeYy2RcSdc8Xan7XrC-r
Diolch i Harri Morus am ei lwyddiant gyda’i stori fer yng nghystadleuaeth BBC Radio Cymru, cawsom y fraint o fod yng nghwmni Bethan Gwanas bore heddiw. Bore difyr dros ben! Cyflwynwyd pecyn o lyfrau gan Cyngor Llyfrau Cymru iddo fel gwobr am ei waith.
Diolch Bethan am sesiwn hwyliog a lot o chwerthin! A diolch i’r Cyngor Llyfrau am y llyfrau!
Aeth y Cyfnod Sylfaen ar drip ysgol i Plas yn Rhiw a cawson nhw ddysgu am y byd a'r natur o'u cwmpas gyda Robert Parkinson. Diolch iddo am fore difyr. Bwytodd pawb eu picnic yno cyn mynd draw i fferm Trygarn i'w gweld yn godro'r gwartheg. Diolch i Rhys ac Eifion am y croeso cynnes, roedd pawb wedi mwynhau.
Mae Mr Geraint Hughes yn dod at blwyddyn 5 a 6 i arddio pob prynhawn dydd Mercher. Edrychwn ymlaen i gael trefn ar yr ardd yn ystod y tymor, gan obeithio bydd cynnyrch yn ddigon da i'w werthu!
Llongyfarchiadau mawr i Gareth Williams ar gael ei ethol fel cynghorydd dros ben draw Llyn.
Mae blwyddyn 3 a 4 yn cyd weithio gyda Mr Geraint Hughes a thrigolion yr ardal i wneud gwaith cynnal a chadw yn Eglwys Llandegwnning. Wedi mwynhau yno yn y tywydd braf.
Llongyfarchiadau mawr i bawb gymerodd ran yn Sioe Nefyn. Dyma luniau o rai a dderbyniodd dystysgrif am eu gwaith celf.
Llongyfarchiadau i bawb arall fu’n cystadlu yn ystod y dydd hefyd.
Mae dosbarth derbyn wedi bod yn greadigol yn creu bwgan brain newydd i’r ysgol. Allwch chi helpu ni feddwl am enw i’r bwgan brain?
Llongyfarchiadau i Guto ar ennill y raffl Pasg. Gobeithio y gwnes di fwynhau’r holl siocled Guto. Diolch i bawb am gefnogi.
Dechrau tymor newydd gyda thrac newydd sbon o amgylch y cae. Pawb wrth eu boddau yn cael defnyddio'r trac.
Y Dosbarth Meithrin wedi mwynhau eu hunain ar eu trip i'r Cwt Gafr.
Llongyfarchiadau enfawr i bawb fu'n cystadlu yn Eisteddfod yr Urdd eleni.
Llwyddodd y parti llefaru i ddod yn gyntaf, diolch yn fawr i Rhian Parry am eu dysgu.
Cafodd Lois 1af yn yr unawd a 3ydd yn y llefaru a chafodd Llio 3ydd yn yr alaw werin.
Pob lwc i bawb sydd yn mynd ymlaen i'r Eisteddfod yn Ninbych.
Diolch i Helen am gyflwyniad difyr ar sut i warchod ein harian.
Llongyfarchiadau enfawr i Harri Morus Griffiths ar ennill cystadleuaeth ysgrifennu stori fer Aled Hughes ar BBC Radio Cymru rhwng oedran 7 a 9. Mae Harri wedi bod yn sgwrsio gyda Al Hughes a Mari Lovegreen bore ma, ewch ar BBC Sounds i wrando yn ôl i gael yr hanes am ei stori fer.
Braf gallu croesawu siaradwyr gwadd yn ôl i’r ysgol ,daeth Mirain Llwyd atom ddoe i drafod Dementia.
Tro blwyddyn 5 a 6 oedd hi i fynd i Goleg y Bala heddiw ac mae nhw wedi mwynhau eu hunain yno yn y tywydd braf.
Mae blwyddyn 3 a 4 wedi cael diwrnod da iawn yng Ngholeg y Bala heddiw yn gwrando ar hanes y Pasg. Diolch yn fawr iawn iddynt am y croeso.
Mae'r dosbarthiadau wedi bod yn brysur yn ystod yr wythnos yn creu anrhegion Sul y Mamau.
Daeth y Parchedig Kevin Ellis draw a cawsom wasanaeth eithaf gwahanol - gwers ar sut i goginio bara mewn 50 eiliad!
Cerddom ni o amgylch y pentref a chael sgwrs gyda'n cymdogion. Diolch i Carys a'r genod am ddangos yr wyn llwarth i'r criw. Yna, aethom yn ol i'r ysgol i gael gemau ar y cae yn y tywydd braf.
Diwrnod da iawn heddiw yn y rygbi. Y criw wedi chwarae yn andros o dda ac wedi mwynhau ei hunain! Da iawn i bob un am wneud eu gorau. Braf cael mynd yn ôl i gystadleuaeth chwaraeon unwaith eto, mwy o gyfleoedd i ddod.
Cafodd pawb gyfle i fwynhau y cacennau bendigedig roeddent wedi bod wrthi yn brysur yn eu gwneud.
Diolch o waelod calon i bawb am eu rhoddion hael tuag at gronfa Wcrain. Mae’r holl nwyddau wedi dechrau ar eu taith o Bont y Gof tuag at ffiniau Wcrain. Anhygoel. Thank you very much, these bags and boxes and all of the donations have started on their journey to the Ukraine’s border. Pobi Heddiw hefyd, mi fu pawb yn yr ysgol yn brysur yn pobi cacennau bach i'w gwerthu ddydd Gwener er mwyn casglu arian tuag at bobl Wcrain.
Cynhaliwyd clwb chwaraeon ar ôl ysgol i blant y Cyfnod Sylfaen. Pawb wedi mwynhau!
Daeth Huw Griffiths i'r ysgol i gyflwyno cân y dalgylch. Rydym yn gyffrous iawn i glywed gweddill y gân a gallu ei chanu i gyd.
Criw o flwyddyn 6 wedi mwynhau yn yr athletau heddiw ac wedi gwneud eu gorau glas.
Dyma ni pawb wedi mwynhau wythnos arall o goginio. Pwdin i blesio'r dant melys wythnos yma!!
Diolch i'r parchedig Kevin am ddod i'r ysgol i roi gwasanaeth. Dysgom ni beth oedd pwrpas gwahanol rannau o'i wisg a'r rhesymau am y lliwiau gwahanol.
Braf cael croesawu Gwenllian o’r tîm ailgylchu dydd Mercher i egluro beth maen nhw’n ei wneud yn y gwaith a beth sydd angen i ni ei wneud er mwyn gwarchod yr amgylchedd.
Agorwyd siop cyfnewid llyfrau eleni. Daeth pawb a llyfr oeddent wedi cael digon ohono i'r ysgol a'i gyfnewid gyda llyfr rhywun arall.
Diolch yn fawr iawn i Wil Parry o Ynni Llŷn am ddod i ddangos car trydan i blant y Cyfnod Sylfaen.
Mwynhau yn y clwb.
‘Catwalk’ difyr yn llawn cymeriadau lliwgar bore heddiw. Diolch i bawb am fynd i ymdrech arbennig. Roedd pawb yn werth eu gweld.
Mae bwrlwm y clybiau wedi cychwyn gyda plant y Cyfnod Syflaen yn paratoi pitsa i swper heno.
Dyma blwyddyn 3 a 4 yn ceisio troi eu crempogau yn y badell... ambell un wedi perffeithio'r grefft...ambell un arall angen 'chydig o ymarfer...
Dydd Gwyl Dewi Hapus i Bawb. Gwnewch y pethau bychain!
Mae blwyddyn 3 a 4 wedi dysgu stori Rhys a Meinir ar eu cof wythnos yma gyda'r symudiadau.
Year 1 and 2 were welcomed by local businesses today as they distributed their posters and recycling stickers around the area.
Sioe Mewn Cymeriad - Owain Glyn Dŵr ein arwr cenedlaethol
Diolch i Gwion am gyflwyno ei hanes i flynyddoedd 3, 4, 5 a 6.
Foundation Phase children have been busy collecting lots of rubbish on Towyn beach today and then went on to see the wind turbine at Crugeran on the way home. Everyone had a great time.
Child Mental Health Week. Here is the Foundation Phase having a mindfulness session.
Year 1 and 2
Diwrnod gwerth chweil yn Nant Gwrtheyrn. Diolch iddynt am y croeso. Pawb wedi mwynhau dysgu am hanes y pentref bach hudolus ac wedi gwneud yn arbennig o dda i gerdded i fyny'r allt serth!
Thanks for all the milk bottles, the Foundation Phase class has been busy building an igloo.
Mae plant y Cyfnod Sylfaen yn dysgu sut i ofalu am yr amgylchedd. Cofiwch chi wneud run peth.
Mae blwyddyn 3 a 4 wedi bod yn efelychu gwaith yr artist Cymreig, Lisa Eurgain. Dyma luniau o Garn Fadryn, Y Rhiw ac Ynys Enlli.
Diwrnod llawn hwyl yn dathlu Dydd Miwsig Cymru. Cawsom groesawu Edwin i'r ysgol gyda'i offerynnau amrywiol, a diolch i Mrs Jones am baratoi cwis i ni. Diwrnod penigamp yn gwerthfawrogi cerddoriaeth Gymraeg o bob math.
Diolch o waelod calon i Tudur Phillips am ddod i'r ysgol i ddangos ei dalentau ac am roi sesiwn Clocs Ffit i bawb yn yr ysgol.
Pawb wedi mwynhau yn arw.
Llongyfarchiadau i Ianto Pattinson, William a George am lwyddo i neidio dros yr hances 9 gwaith!!
'Dwi'n siwr fod llawer wedi mynd adref i ymarfer neidio dros hances...
Dathlu’r flwyddyn newydd Tsieinaidd, diolch i staff y gegin am goginio pryd Tsieiniaidd bendigedig i ni.
Cafodd blwyddyn 5 brofiad go wahanol heddiw wrth weithio gyda cyflwynydd Radio Cymru Marc Griffiths i greu podlediad. Gobeithio cawn glywed y podlediad yn fuan.
Blwyddyn 5 a 6 yn mwynhau yn y Clwb Cyfrifiadur.
Cyfrannodd CA2 tuag at dorri record y byd gyda Urdd Gobaith Cymru drwy uwchlwytho fideos ar y we ohonynt yn canu can Mistar Urdd.
Cafodd Cyfnod Sylfaen barti yn y bore i ddathlu penblwydd Mistar Urdd, gyda llond lle o gacennau blasus a digon o weithgareddau hwyliog!
Mi fuodd Blwyddyn 5 a 6 yn brysur yn coginio bisgedi siap calonnau. A bu blwyddyn 3 a 4 yn brysur yn defnyddio eu sgiliau TGCH creadigol i greu cerdyn.
Ers dod yn ôl ar ôl gwyliau'r Nadolig, mae Miss Jones wedi bod yn cynnal sesiwn ffitrwydd yn ystod amser chwarae.
Nadolig Llawen a Blwyddyn Newydd Dda i chi gyd, gan holl staff ysgol Pont y Gof.
Llwyddodd blwyddyn 3 a 4 i werthu 58 o goed Nadolig eleni. Gnaethpwyd £112.25 o elw. Hefyd, llwyddom i werthu 52 copi o bapur newydd y Gof, felly roedd hynny'n £52 ychwanegol.
Mae blwyddyn 3 a 4 wedi bod yn cael gwersi recorder gan Mrs Catrin Jones yn ystod y tymor, ac mae Ela yn cael gwersi’n wythnosol. Dyma gân Nadoligaidd i uno pawb. Mwynhewch
Daeth Sion Corn heibio gyda llond y sach o anrhegion i'r plant. Lwcus iawn.
Mi fu y Cyfnod Sylfaen a blwyddyn 3 a 4 yn coginio bisgedi blasus wythnos yma.
Perfformiwyd dau gyngerdd Nadolig eleni. Un yn y Cyfnod Sylfaen a'r llall gan yr ysgol gyfan. Hanes Babwscha oedd ein cyngerdd eleni.
Dilynwch y linc i fynd i weld cyngerdd Nadolig plant y Cyfnod Sylfaen.
Tro y Cyfnod Sylfaen oedd hi heddiw i gael noson hwyr ar ol ysgol yn chwarae gemau gwirion. Cafodd pawb lawer o hwyl.
Diolch yn fawr i staff y gegin, Anti Marina, Anti Lona ac Anti Carys am y cinio bendigedig heddiw. Pawb wedi mwynhau’r cinio yn ofnadwy, blasus iawn.
Daeth y Tad Kevin i'r ysgol i gynnal sesiwn Christingl gyda blwyddyn 5 a 6. Diolch yn fawr iawn iddo am ei amser, roedd y plant wedi mwynhau yn fawr. Cawsom ddigon o orenau i bawb yn yr ysgol gael cyfle i wneud christingl hefyd.
Cynhaliwyd noson ffilm yn y neuadd i blant Cyfnod Allweddol 2. Home Alone oedd y ffilm ddewiswyd gan bawb.
Wel am sioe dda. Lot o chwerthin, gweiddi a chael gwneud pethau hollol hurt! Diolch @trydanni @Twudur a Megan Llŷn. 👏🏼👏🏼👏🏼
Mae Seiri’r Gof yn brysur y Nadolig hwn yn creu addurniadau i’w gwerthu fel rhan o’u prosiect mentergarwch.
Diolch yn fawr i Tudur am y sioe mewn cymeriad- Roald Dahl.
Pawb wedi mwynhau dysgu am yr awdur enwog.
Llongyfarchiadau mawr i bawb am lwyddo i redeg/cerdded 281 milltir yn yr ysgol heddiw ar gyfer her #Amdani21 @BBCRadioCymru a @boimoel.
Anhygoel 👏🏼
Rydym wedi casglu swm o £140.50 tuag at yr achos arbennig.
Diolch i Tudur am gyflwyniad i Dudalen y Plant yn ein papur bro, Llanw Llŷn.
Rwy’n siwr y bydd sawl un o’r plant yn mynd ati i feddwl am syniadau creadigol i’w cynnwys ar y dudalen mis nesaf.
Pawb yn edrych yn hynod smart yn eu gwisgoedd heddiw. Y grwpiau wedi gweithio'n galed i greu y ffilmiau ac yn sicr wedi cael cyfle i ddatblygu eu sgiliau creadigol gyda'r holl waith perfformio a golygu.
Mi fydd heddiw'n ddiwrnod i'w gofio i bawb rwy'n siwr.
Ewch draw i wefan Youtube yr ysgol i weld eu campweithiau!
Ar y dydd Gwener cyn y gwyliau, cafodd plant blwyddyn 3, 4, 5 a 6 gyfle i arddangos eu dyfeisiau difyr.
Wel am anhygoel, roedd pawb wedi bod wrthi yn ddiwyd yn gwneud eu dyfais arbennig eu hunain. Roedd gwaith pob un ohonynt yn werth eu gweld.
Da iawn chi blant.
Diolch o waelod calon i Rhys eto am daith hynod ddifyr.
Y plant wedi dysgu llawer ac wedi mwynhau yn arw er gwaetha Morus y gwynt!
Diolch yn fawr iawn Rhys Gwyn Roberts
Cafodd y Cyfnod Sylfaen ddosbarth cadw'n heini ar-lein gyda Dementia Actif Gwynedd. Ar ddiwedd y sesiwn mi ganodd y plant i'r bobl. Roedd aelodau Dementia Actif wrth eu boddau, gobeithio cawn wneud hyn eto yn fuan!
Ar ddechrau'r wythnos cafodd plant y Cyfnod Sylfaen fynd am dro i Garnfadryn a chael dod i adnabod yr ardal yn well gyda Rhys Gwyn Roberts. Diolch o waelod calon iddo, roedd hi'n daith hynod o ddifyr. Roedd y plant wedi mwynhau yn arw ac wedi dysgu llawer am yr ardal a'r byd natur.
Eleni, rydym yn croesawu 9 o blant bach i'r ysgol. Gobeithio y cewch amser arbennig yma ym Mhont y Gof.
16.7.21 Hwyl fawr blwyddyn 6 (Welsh Only)
Diolch i chi gyd a phob lwc yn ysgol Botwnnog! Gwnewch eich gorau glas.
14.7.21 Y Gof ar werth! (Welsh Only)
https://www.youtube.com/watch?v=eLPXc7jhn38
13.7.21 Tatws (Welsh Only)
Tatws newydd o’r ardd heddiw, a blwyddyn 2 wedi cael rhannu’r tatws i fynd adref gyda nhw. Gobeithio’u bod nhw’n flasus
12.7.21 Cinio yn yr haul dydd Gwener (Welsh Only)
8.7.21 Pŵer Pedlo (Welsh Only)
Diwrnod llawn hwyl yn pedlo a gwrando ar gerddoriaeth Cymraeg
7.7.21 Pys (Welsh Only)
Mae hi’n altro yn yr ardd Pawb yn mwynhau’r pys!
7.7.21 - Sesiwn Gerddoriaeth (Welsh Only)
Daeth Sian Eirian i'r ysgol i roi sesiwn gerddoriaeth i'r plant yn defnyddio gwahanol offerynnau.
2.7.21 - Ras Gychod (Welsh Only)
Roedd Blwyddyn 2 wedi bod wrthi yn brysur adref yn gwneud cychod môr ladron. Felly, roedd hi'n bwysig iawn ein bod ni'n cael ras gychod yn yr afon ger yr ysgol er mwyn gweld cwch pwy oedd orau. Roedd cychod arbennig gan bob un ohonynt. Iolo ddaeth yn gyntaf gyda'i gwch yr oedd wedi'i adeiladu gyda lego.
1.7.21 - Diwrnod Môr Ladron (Welsh Only)
Wel am ddiwrnod da! Môr ladron gwerth chweil ym Mhont y Gof heddiw. Pawb wedi mwynhau ac wedi cyd-weithio gyda’i gilydd yn arbennig o dda.
Gwên ar wyneb pawb yn mynd a thrysor adref gyda nhw heddiw.
30.6.21 - Canlyniadau'r Mabolgampau (Welsh Only)
Ar ôl cyfrifo holl farciau'r dyddiau, llwyddodd Trefaes i ddod i'r brig. Llongyfarchiadau mawr iddynt a llongyfarchiadau enfawr i bob un disgybl am gystadlu eleni.
29.6.21 - Mabolgampau CS (Welsh Only)
Diwrnod hwyliog arall yn y mabolgampau i'r plant lleiaf y tro hyn. Ar tŷ oedd yn arwain gyda'r marciau oedd Dyffryn.
24.6.21 - Mabolgampau CA2 (Welsh Only)
Cafwyd dau ddiwrnod llwyddiannus yn y mabolgampau gyda phlant hŷn yr ysgol. Pawb yn gwneud eu gorau glas ym mhob cystadleuaeth a Thŷ Trefaes yn arwain gyda'r marciau.
25.6.21 - Ewros 2020 (Welsh Only)
Penderfynwyd gwisgo coch er mwyn dangos ein cefnogaeth i dîm Cymru yn yr Ewros eleni. Roedd canu gwerth ei glywed yn yr ysgol.
https://www.youtube.com/watch?v=CnIavNLd7tk
23.6.21 - Offerynnau Newydd (Welsh Only)
Y plant wedi bod yn brysur yn perfformio gyda'r offerynnau newydd. Y drymiau Affricanaidd yn boblogaidd tu hwnt!! Diolch i'r gymdeithas rieni am gasglu arian gyda'r ras hwyaid. Rydym yn eu gwerthfawrogi yn fawr.
17.6.21 - Croesawu Plant Meithrin (Welsh Only)
Braf oedd cael croesawu plant newydd i'r ysgol. Roedd pawb i weld wedi mwynhau eu diwrnod.
15.6.21 - Casia William (Welsh Only)
Cafodd Blwyddyn 3 a 4 sesiwn hwyliog gyda'r awdures Casia William wrth iddi drafod ei llyfr 'Sw Sara Mai'.
14.6.21 - Pili Pala (Welsh Only)
Mae Blwyddyn 3 a 4 wedi bod yn brysur yn astudio cylch bywyd y pili pala. Cafwyd wyau pili pala yn y dosbarth a braf oedd gweld y pili pala yn mynd drwy ei gylch bywyd.
11.6.21 - Blas o'r ardd (Welsh Only)
Bu blwyddyn 2 yn brysur yn casglu radish o'r ardd. Golchwyd y radish a diolch i'r staff yn y gegin, cafodd bawb flas o'r radish amser cinio.
13.5.21 - Deor (Welsh Only)
Cawsom groeso mawr yn yr ysgol yn y bore pan welwyd fod y cywion bach wedi deor. Roedd y plant wedi gwirioni. Penderfynwyd alw'r cywion bach yn Heulwen, Huwcyn a Socsan.
27.5.21 Cyfarfod Rhithiol Blwyddyn 6 gyda Ysgol Botwnnog (Welsh Only)
Cafodd blwyddyn 6 gyfarfod gyda adran Gymraeg Ysgol Botwnnog i gael blas ar yr ysgol er mwyn eu paratoi ar gyfer mis Medi.
26.5.21 Ymweliad gan PC Owen (Welsh Only)
Daeth PC Owen draw i drafod diogelwch y we a diogelwch cyffredinol gyda phobl ddieithr wrth iddi nesáu at dymor prysur yr Haf.
21.5.21 Cawsom ddiwrnod i hel arian at elusen Cymorth Cyntaf. (Welsh Only)
Daeth pawb a £1 gyda nhw wrth iddynt gael gwisgo dillad eu hunain. Penderfynom ni gefnogi 'You're Udderly Fantastic'. Drwy hynny, rydym wedi prynu buwch mewn pentref ym Mangladesh am £187 er mwyn cyflenwi llaeth i bobl y pentref.
Cawsom wneud gweithgareddau ddydd Mercher er mwyn codi ymwybyddiaeth y Cymorth Cristnogol. Ein gweithgareddau oedd godro'r fuwch, helfa drysor o gwmpas y pentref i chwilio am 30 o luniau gwartheg, a chreu llun buwch.
14.4.21 - Ardal Tu Allan (Welsh Only)
Yn ystod gwyliau'r Pasg, bu cwmni Thomas&Williams yn brysur yn yr ysgol yn tacluso'r ardal tu allan yma. Diolch o waelod calon iddynt hwy eto am helpu'r ysgol. Mi fydd yn le llawer fwy defnyddiol.
16.3.21 Dyma luniau o blant CA2 yn mwynhau eu hunain yn y parc. (Welsh Only)
15.3.21 CA2 yn ol. (Welsh Only)
Ar ol i blant y cyfnod sylfaen ddod yn ol i drefn, croesawyd blant CA2 yn ol. Braf oedd gweld wynebau pawb eto. Rydym yn aros mewn dwy swigen o fewn yr ysgol fel nad ydym yn cymysgu.
14.3.21 Sul y Mamau (Welsh Only)
13.3.21 Sioe Achub Cymreictod (Welsh Only)
Rydym yn ddiolchgar iawn i Tudur, Anni a Megan am roi Sioe arall i ni eleni. Sioe i achub Cymreictod. Roedd plant y Cyfnod Sylfaen wedi mwynhau yn arw iawn.
12.3.21 Sbarduno (Welsh Only)
Roedd CA2 yn ffodus iawn i gael cymryd rhan mewn gweithdy Gwyddoniaeth oedd yn cael ei redeg gan gwmni Sbarduno. Cynhaliwyd y gweithdy dros Teams er mwyn i bawb gael cymryd rhan o gartref.
1.3.21 Dydd Gwyl Dewi (Welsh Only)
Cafwyd cyfle i wisgo dillad coch er mwyn dangos balchder o fod yn Gymry. Bum yn peintio cerrig hefyd gyda symbolau sy'n cynrychioli Cymru a'u rhoi ar y wal tu allan i'r ysgol.
1.3.21 Agorwyd y parc am y tro cyntaf (Welsh Only)
Agorwyd y parc am y tro cyntaf, dathlwyd dydd Gwyl Dewi yn y parc ac roedd pawb wrth eu boddau. Rydym yn ddiolchgar iawn i'r holl gwmnioedd am eu gwaith a'u hamser er mwyn gorffen y parc. Diolch i Glwb Ffermwyr Ifanc y Rhiw a chwmni Thomas & Williams am greu sylfaen i'r parc, Diolch i gwmni S J Williams ac ddanfon y 'woodchip' a diolch i Gareth Williams a Huw Manion am ddod draw i wasgaru'r 'woodchip' yn y parc hefo digar E W Thomas.
22.2.21 Cyfnod Hir o Ddysgu Gartref (Welsh Only)
Wedi cyfnod hir o ddysgu gartref. Penderfynwyd ei bod yn ddiogel i groesawu plant y cyfnod sylfaen yn ol i'r ysgol.
4.1.21 Daeth cyhoeddiad o'r llywodraeth fod yn rhaid cau'r ysgolion eto yn sgil covid19. Felly, roedd yn rhaid dysgu o adref. (Welsh Only)
16.12.20 - Noson Gemau y Cyfnod Sylfaen. (Welsh Only)
Cawsom noson llawn hwyl a sbri yn yr ysgol yn chwarae llawer o wahanol gemau, roedd y plant wedi mwynhau eu hunain ar noson olaf y tymor.
15.12.12 – Ymweliad Sion Corn (Welsh Only)
Mi heidiodd pawb i’r ffenestr heddiw wrth i Sion Corn gerdded heibio yn codi llaw. Roedd pawb wedi cyffroi ac mi adawodd yr hen ddyn clên sacheidiau o anrhegion i bawb.
15.12.20 Gwasanaeth Rhithiol (Welsh only)
Gyda’r amgylchiadau heriol eleni, rydym wedi bod yn cynnal gwasanaethau rhithiol yn wythnosol. Mae pob dosbarth yn cael rhannu newyddion am yr wythnos ac mae rhywun o pob dosbarth yn derbyn tystysgrif ‘Gorau Glas’. Dyma’r ffordd orau i gadw pawb mewn cyswllt ar hyn o bryd.
14.12.12 – Noson Ffilm CA2 (Welsh Only)
Nos Lun, cawsom noson ffilm yn yr ysgol, Nativity 4 oedd y ffilm ddewiswyd gan y disgyblion I’w gwylio. Cawsom fferins, creision a sudd oren wrth ei gwylio. Roedd hi’n braf gweld y plant yn mwynhau ac yn gwneud o mwyaf o dreulio amser gyda’I gilydd.
10.12.20 Menter Canhwyllau Blwyddyn 2 (Welsh only)
Mae plant dosbarth blwyddyn 2 wedi bod wrthi yn brysur yn gwneud canhwyllau hyfryd i'w gwerthu cyn y Nadolig. Maent wedi gwerthu 74 ohonynt felly roeddent yn brysur iawn yn eu creu wythnos yma. Pris un gannwyll oedd £2 a 3 cannwyll oedd £5. Gwnaethpwyd £130 o elw i'r ysgol.
2.12.20 Taith o amgylch y pentref (Welsh only)
Taith y pentref - Wrth i blant CA2 wneud gwaith ar eu hardal leol, aethant ar daith o amgylch y pentref er mwyn gweld beth oedd yno. Maen bwysig dechrau wrth ein traed!
01.12.20 Ymweliad PC Owen (Welsh only)
Rydym yn gwerthfawrogi ymweliad gan PC Owen yn flynyddol, roedd y disgyblion wedi mwynhau ei gyflwyniad ac yn sicr wedi mwynhau cael clywed y seiren ar iard yr ysgol.
30.11.20 Sioe Nadolig 'Yr Heriau Hud' (Welsh only)
Gan nad yw'n rhwydd i ni fynd ar daith ysgol Nadoligaidd eleni, cawsom y cyfle fel ysgol i helpu Anni, Tudur a Megan wrth dreialu eu sioe Nadolig fel eu bod yn cael mynd ymlaen i gyflwyno'r sioe i weddill ysgolion Cymru. Diolch yn fawr iddynt am y cyfle a dymuniadau gorau iddynt ar weddill y perfformiadau.
13.11.20 Diwrnod Plant Mewn Angen (Welsh only)
Llwyddom i gasglu £138.75 at achos Plant mewn Angen. Fe gymerodd pawb ran yn her 'Actia dy Oed' oedd yn cael ei gynnal gan Aled Hughes ac fe gyfrannodd pawb wrth roi arian am gael gwisgo byjamas i'r ysgol.
23.10.20 Diolchgarwch (Welsh only)
02.09.20 Croesawu plant dosbarth meithrin. (Welsh only)
|
18.11.20 Y Gof (Welsh only) |
18.10.19 'Ras Ofod' (Welsh only)
|
16.10.19 Cit pel droed newydd (Welsh only)
|
15.10.19 Llongyfarchiadau (Welsh only)
|
26.06.19 Gala Nofio
|
26.06.19 Criw mentrus
|
18.05.17 Swimming Gala
|
27.03.17 Coffee Morning
|
23.03.17 Coffee Morning
|
17.03.17 Pêl Rwyd (Welsh only)
|
13-14.03.17 Plas Menai
|
22.11.16 Seiri'r Coed (Welsh only)
|
18.11.16 Plant Mewn Angen (Welsh only)
|
17.11.16 Llongyfarchiadau Gwenan Haf Jones (Welsh only)
|
Plant meithrin - Eleni rydym wedi croesawu 11 o blant bach newydd yn yr ysgol. Rhown groeso i Abner, Alanna, Alys, Elis Alun, Elis Wyn, Elsie, Huw, Indi, Keegan, Maia a Stan. Gobeithiwn y cawn nhw amser gwerth chweil yma ym Mhont y Gof. 
Llongyfarchiadau i'r criw sydd wedi llwyddo i gwblhau her genedlaethol Sialens Ddarllen yr Haf, 'Ras Ofod' eleni.
Rydym fel ysgol wedi bod yn ffodus iawn i dderbyn cit pel droed newydd i'r ysgol, dyma'r cyngor chwaraeon yn y cit.
Llongyfarchiadau i Owain Strain ar gael ei ddewis i dim rygbi Eryri.
Llongyfarchiadau i'r criw ddaeth yn 2il yn nghystadleuaeth Gala nofio eleni.
Llongyfarchiadau i griw ddosbarth blwyddyn 2 a 3 ar ddod yn ail yng nghystadleuaeth y criw mentrus eleni.
A huge congratulations to everyone who competed in the Swimming Gala today! We managed to come first out of the schools with more than 80 pupils. Well done everyone!
Thank you to everyone who came along to our coffee morning. Everybody had fun cooking, chatting and raising money. Plenty of money was raised towards different charities. Year 5 and 6 would like to thank everybody for their support. 
A big thank you to some of the parents who came in to help us prepare for our coffee morning this afternoon.
Yn dilyn eu llwyddiant yr wythnos diwethaf ym Mhorthmadog, bu i'r tîm gael mynd yn eu blaenau eto'r wythnos hon, i'r rownd nesaf, y tro hwn yn chwarae timau o Wynedd gyfan. Bu iddynt chwarae yn arbennig o dda, a bu i bawb ddod o'r twrnament yn wen o glust i glust. Llongyfarchiadau iddynt am fynd mor bell, a diolch anferthol i Heidi Bakwell (rhaint yn yr ysgol) am eu hyfforddi.
A big thank you to Plas Menai for the brilliant time had over the past few days. Everybody had fun kayaking, sailing, climbing and cycling! 
Mae'r Seiri wedi bod yn brysur yn paratoi at ei ffair Nadolig cyntaf yn Hwyl yr Wyl, Pwllheli y penwythnos hwn!
Y Cyngor Ysgol wedi llwyddo i gasglu £210 ar gyfer Plant Mewn Angen heddiw. Diolch i bawb am y gefnogaeth!
Hoffai Ysgol Pont y Gof longyfarch Gwenan Haf Jones ar ei llwyddiant yn Rali Goffa James Trenholme y penwythnos diwethaf. Rhannodd ei phrofiadau gyda Blwyddyn 3 a 4. 
